Rico Verhoeven kërkon revansh ndaj Usyk pas ndërprerjes kontroverse

Boks

Gazeta Express

28/05/2026 23:40

Rico Verhoeven ka kërkuar një revansh ndaj kampionit të unifikuar të botës në peshat e rënda, Oleksandr Usyk, si dhe një kërkimfalje nga zyrtarët pas ndërprerjes kontroverse të meçit në Egjipt të shtunën.

Holandezi e vuri në vështirësi Usykun për periudha të gjata të luftës dhe ishte pranë një prej befasisë më të madhe në boks, para se të rrëzohej në raundin e 11-të.

Më pas, meçi u ndërpre pas një serie goditjesh në fund, ndërsa pamjet e përsëritura sugjeruan se kambana për përfundimin e raundit mund të kishte rënë tashmë.

“Dua vetëm një kërkimfalje. Çfarë tjetër mund të bëjmë? Nuk mund të kërkoj asgjë tjetër”, tha 37-vjeçari për BBC Sport.

Verhoeven tregoi se ekipi i tij kishte paraqitur ankesë në World Boxing Council mëngjesin e ditës pasuese.

“Gabimet mund të ndodhin sepse të gjithë jemi njerëz dhe kjo është në rregull”, shtoi ai. “Por ajo që kërkoj është vetëm: ‘Po, na vjen keq djema, kjo mund të kishte shkuar ndryshe – është diçka që duhet ta shqyrtojmë dhe shpresojmë që të mos ndodhë në të ardhmen’.

“Kjo është e gjitha dhe pastaj të vazhdojmë prej aty dhe të arrijmë te revanshi.”