Ndërron jetë mjeku i njohur shqiptar

Gazeta Express

07/06/2020 9:15

Ka ndërruar jetë profesori dhe mjeku i njohur i Ortopedisë, Panajot Boga.

Boga ka qenë për shumë vite drejtuesi i shërbimit të Ortopedisë në Shqipëri.

 “Do na mungosh njeriu Panajot Boga, por do mbetet mes nesh profesionisti shembullor me gjithçka na le trashëgimi! Përveç fëmijëve të tu biologjikë, ke rritur shumë djem e vajza Profesor, prandaj do mbetesh i paharruar! Të qoftë e blertë lëndina! Homazhet bëhen nesër, 8 Qershor, nga ora 10-13 pranë ambienteve të Fakultetit të Mjekësisë!’, shkruan profesor Arben Gjata, rektor i Univesitetit të Mjekësisë.

Ndërkohë, ish-ministri i Shëndetësisë, Tritan Shehu shkruan se sot është një ditë zie për mjekësinë shqiptare.

“Lamtumire Prof. Dr. Panajot Boga! Sot eshte nje dite zi per mjekesine e vecanerisht per ortopedine shqiptare, qe humbi mjekun e talentuar e novator, profesorin tone, organizatorin energjik e te kudo gjendur, drejtuesin jete gjate te sherbimit te ortopedise, aplikuesin e guximshem e vizionar te shkences e progresives ne ate fushe kaq te gjere te mjekesise.

Ngushellimet me te sinqerta familjes se tij, kolegeve, bashkepuntoreve te rinj e te dikurshem, miqve, te gjitheve, per kete humbje te madhe”- shkruan Shehu.