Kuratori i ekspozitës se memorialit të kampit të përqendrimit vjen në Prishtinë - Gazeta Express
string(79) "kuratori-i-ekspozites-se-memorialit-te-kampit-te-perqendrimit-vjen-ne-prishtine"

Kuratori i ekspozitës se memorialit të kampit të përqendrimit vjen në Prishtinë

Arte

Gazeta Express

23/05/2022 16:12

Këtë të merkur në sallën Idriz Ajeti në Fakultetin filologjik të Universitetit të Prishtinës do të jetë i ftuar për diskutim Christian Durr, njëri prej kuratorëve të ekspozitës se përhershme të memorialit të kampit të përqendrimit Mathauzen dhe Gusen në Austri.

Diskutimi do të filloj nga ora 17:00 bashkë me autorin i cili po ashtu do të flet për librin e tij “Çlirimi ose fundi i Marçelos” me titull në origjinal “𝐃𝐢𝐞 𝐁𝐞𝐟𝐫𝐞𝐢𝐮𝐧𝐠 𝐨𝐝𝐞𝐫 𝐌𝐚𝐫𝐜𝐞𝐥𝐨𝐬 𝐄𝐧𝐝𝐞”.

Lexo Edhe:

Mbi librin:

Manuel Gluckstein (Manuel Glukshtajn) u lind në Austri në vitin 1947. Shtëpia e parë e tij ishte një kamp refugjatësh: Kampi DP Bindermichl në Linc, ku prindërit e tij u ribashkuan pas çlirimit të tyre nga kampi i përqendrimit në Mathauzen, në Maj të vitit 1945. Kur Manuel ishte tre vjeç, familja e tij emigroi në Argjentinë dhe u përpoq të ndërtonte një jetë më të mirë në Buenos Aires.

Megjithatë, vitet 1970 në Argjentinë ishin një kohë e trazirash. Manuel Gluckstein i bashkohet një grupi studentësh dhe përfshihet aktivisht në politikë. Ai bie në dashuri me Martën, një anëtare e grupi studentor Peronist, dhe fillon një marrëdhënie me Anën. Dhe ndërsa ende beson në një botë më të mirë, ajo shembet.

Në 24 Mars 1976, ushtarakët argjentinas inskenuan një grusht. Anëtarët e grupit studentor u arrestuan dhe Manueli e Ana përfunduan në “pozo” – “pusi”. Menjëherë më pas atë thjesht “e morën me vete”. Asgjë nuk do të ishte më si më parë. Për më shumë se tri dekada më vonë, Manueli papritmas ka mundësinë të nxjerrë para drejtësisë torturuesin e tij. Ai përballet me vendimin e jetës së tij. Çfarë duhet të bëjë Manueli që të bëjë drejtësi për të kaluarën e tij dhe më së fundi të jetë në gjendje të harrojë?

Për autorin:

Dr. Christian Dürr është një prej kuratorëve të ekspozitës së përhershme të memorialit të kampit të përqendrimit Mathauzen dhe Gusen në Austri. Ai ishte kreu arkivit të memorialit të kampit të përqendrimit Mathauzen dhe është bashkëredaktor i „Mauthausen-Studien“ dhe „Mauthausen-Erinnerungen“. Dr. Dürr ka bërë kërkime të shumta për çështjet e nazizmit, historinë e kampit të përqendrimit dhe kulturave të kujtesës.

Christian Dürr ishte Bashkëpunëtor Postdoktorature në Centro de Estudios sobre Genocidio (Qendra për Studimet mbi Gjenocidin) në Unidad Nacional de Tres de Febrero, Buenos Aires dhe ka bërë kërkime për Diktaturën Ushtarake Agjerntinase. Në vitin 2019 Christian Dürr publikoi romanin e tij të parë të titulluar „Die Befreiung oder Marcelos Ende” (“Çlirimi ose fundi i Marçelos”). Romani është një rrëfim imagjinar i kërkimeve të tij ndërmjet diktaturës ushtarake argjentinase, sistemit të kampit të përqendrimit dhe Holokostit në Austri.

Eventi organizohet në sallën “Idriz Ajeti” në Fakultetin filologjik, fillon në ora 17:00 dhe është bashkëpunim ndërmjet OeAD Prishtina dhe forumZFD Kosovo.

/Gazeta Express