Kosova e ka mposhtur 78:73 Danimarkën të dielën, në ndeshjen e dytë të grupit C kualifikues për FIBA Eurobasket 2025.
Kombëtarja e Kosovës ishte më e mirë se ajo daneze në çdo çerek në parket, përveç të katërtit, në Pallatin e Rinisë dhe Sporteve në Prishtinë, raporton Gazeta Express.
Basketbollistët dardanë e kishin lojën nën kontroll tërë kohën, duke i fituar tre çereket e para me epërsi të konsiderueshme (18-17, 20-16 dhe 22-13), megjithatë rrezikuan në çerekun e fundit pasi pësuan 18-27.
Kosova, që e kishte humbur ndeshjen hapëse në grup kundër Norvegjisë, tani i prin Grupit C me 3 pikë nga dy ndeshje.
Norvegjia është e dyta me dy pikë nga një ndeshje dhe Danimarka e fundit me një pikë nga një ndeshje.
Dardan Berisha shkëlqeu te Kosova me 16 pikë dhe tri kërcime.
Të vizitorët më i miri ishte Mortensen me 24 pikë dhe 6 kërcime.
Kjo ishte ndeshja e fundit e Kosovës për këtë vit dhe nuk do të dalë në parket më deri më 27 shkurt 2022 kur do të përballet me Norvegjinë në Prishtinë.
Fituesi i grupit kalon direkt në rundin e dytë kualifikuese, ndërsa vendi i dytë në play-off /Gazeta Express/