Kryemadhi pas deklaratave të Metës: Më ka sulmuar si politikane, jo si bashkëshorte

Shqiperi

Gazeta Express

18/04/2024 20:06

Monika Kryemadhi ka folur për mediat para se të hynte në Kuvend, teksa ka komentuar edhe deklaratat e fundit të kryetarit të Partisë së Lirisë, Ilir Meta.

Ajo ka thënë se në parti nuk ka pasur nepotizëm, pasi kjo ndodh në institucionet shtetërore.

“Mendoj që meritorkacinë në një parti nuk e mbyt dot nepotizmi. Nepotizmi është për institucionet shtetërore kur emëron. Ndërsa deputeti zgjidhet me vota. Mund të të emërojë Ilir Meta deputet, por problemi është që nuk të zgjedhin njerëzit me vota”, tha Kryemadhi.

Ndërkohë ajo ishte dakord me Metën për deklaratat që ai ka bërë ndaj kreut të SPAK, Altin Dumani.

“Në çdo fjalë që Ilir Meta ka thënë për kapjen e drejtësie nga qeveria… Jam dakord për mënyrën mendoj që e them, përsëri vjen revolta, sepse njerëzit edhe revoltohen. Vazhdoj të mendoj se SPAK është një vegël e Edi Ramës”, u shpreh Kryemadhi.

“Mua më shumë sesa më ka sulmuar Rama dhe Veliaj. Pse nuk u dhimbset kjo ju? Bashkëshorti nuk më ka sulmuar si bashkëshorte, por si politikane. Ju ka ardhur keq juve që Veliaj ka paditur në SPAK mamanë time dhe fëmijët  e mi. Ilir Meta më ka sulmuar si politikane, jo si bashkëshorte”, tha ajo.