Ish-ministri ndalohet nga policët në shesh, e dënojnë për maskë

Gazeta Express

20/10/2020 15:38

Ish-ministri i Arsimit, Shyqri Bytyqi, sot është gjobitur nga policia, për shkak të mosrespektimit të masave anti-COVID, raporton Express

Express ka siguruar fotografi ku ish-ministri shihet i ndalur nga policia në qendër të Prishtinës.

Lexues të gazetës kanë thënë se në momentin kur është ndalur nga policia, Bytyqi ka qenë pa maskë.

Ndërkohë, që nga 13 korriku Qeveria e Kosovës e ka bërë të obligueshme vendosjen e maskës në të gjitha hapësirat publike.

Personat që nuk e respektojnë këtë masë dënohen me 35 euro gjobë, sipas Ligjit në fuqi për parandalimin dhe luftimin e COVID-19. /GazetaExpress/