Interi e ngrit në qiell trofeun e Serie A

Futboll

Gazeta Express

17/05/2026 18:20

Interi është kampion i Italisë, duke mbyllur një sezon të paharrueshëm me dopietë vendore dhe duke ngritur trofeun e Serie A në fushën e “San Siros” para një stadiumi të mbushur plot.

“Nerazzurrët” luajtën ndeshjen e tyre të fundit në shtëpi për sezonin 2025-26 të dielën, duke barazuar 1-1 ndaj Hellas Veronës në një ndeshje që kishte më shumë karakter formal, pasi vendasit tashmë e kishin siguruar titullin, ndërsa mysafirët kishin rënë nga kategoria.

Skuadra e Cristian Chivus gjithashtu fitoi Kupën e Italisë pas triumfit 2-0 ndaj Lazios në “Stadio Olimpico” të mërkurën, dhe u nderua me trofeun menjëherë pas ndeshjes.

Meqë kjo ishte ndeshja e fundit në shtëpi për Interin këtë sezon, klubi u shpall zyrtarisht kampion i Serie A dhe mori trofeun në fushë përpara tifozëve të tij të shumtë në “San Siro”./GazetaExpress/

VIDEO, KUR INTERI E NGRIT TROFEUN:

🏆 pic.twitter.com/qpVq1K8PEM

— Lega Serie A (@SerieA) May 17, 2026