Edoardo Reja mund të rikthehet sërish në punën e trajnerit. Sipas raportimeve nga Italia, ai është i lidhur me Udinesen.
Klubi italian pritet të ndajë rrugët me trajnerin, Gabriele Cioffi, shkaku i rezultateve të dobëta, transmeton Gazeta Express.
Kësisoj, Udinese po kërkon një trajner për të shpëtuar sezonin duke siguruar mbijetesën në Serie A.
Skuadra nga Udine momentalisht është në pozitën e 17-të me 28 pikë të grumbulluara.
Mes emrave favorit për të zëvendësuar Cioffin është shfaqur edhe ai ish-trajnerit të Kombëtares së Shqipërisë.
Kontaktet mes palëve ekzistojnë, por ende nuk ka diçka konkrete.
78-vjeçari është pa skuadër që nga prilli i vitit të kaluar, kur u largua nga skuadra sllovene, Gorica.
Gjatë karrierës së tij, Edy Reja ka drejtuar skuadrat e njohura si Bologna, Lecce, Torino, Cagliari, Napoli, Lazio, Hajduk Splitt, Atalanta, etj. /Gazeta Express/