Edhe dy lojtarë të Premierligës pozitivë me koronavirus

Gazeta Express

14/06/2020 9:08

Janë shënuar edhe dy raste pozitive me koronavirus në Premierligë, pas rundit më të fundit të testimit për Covid-19 në ligën elitare angleze.

Norwich ka konfirmuar se njëri prej rasteve pozitive është një futbollist i tij dhe se lojtari në fjalë do të vetizolohet për shtatë ditë, transmeton Gazeta Express.

Në përgjithësi, 1.200 teste janë kryer më 11 dhe 12 qershor, para rifillimit të sezonit më 17 qershor.

Këto dy raste të reja e çojnë në 16 numrin e përgjithshëm të rasteve pozitive me Covid1-9 në Premierligë, nga 8.687 teste sa janë kryer deri tani.

Kjo përbën një rritje të lehtë të rasteve pozitive, pasi në katër rundet e kaluara të testimit ishin vetëm dy raste pozitive me koronavirus.

Norwich konfirmoi se futbollisti i vet do të vetizolohet për shtatë ditë por nuk e bëri të ditur emrin e tij.

Rasti tjetër nuk dihet se në cilin klub të Premierligës ka ndodhur. /Gazeta Express/