Çiklistja holandeze në koma pas përplasjes

Sporte tjera

Gazeta Express

24/12/2021 18:15

Çiklistja holandeze, Amy Pieters është në koma të shkaktuar pas një rënieje gjatë stërvitjeve me ekipin kombëtar në Alicante këtë javë.

BBC raporton se Pieters, 30 vjeç, humbi ndjenjat pas përplasjes dhe u dërgua në spital me ambulancë ajrore, transmeton Gazeta Express.

Kampionia kombëtare holandeze e garave rrugore iu nënshtrua një operacioni për të lehtësuar presionin në trurin e saj të shkaktuar nga rënia.

Ajo mbetet në një koma të induktuar, tha ekipi holandez, duke shtuar se një vlerësim do të jetë i mundur në pak ditë.

Pieters së fundmi u bë kampione e botës në Madison, së bashku me Kirsten Wild, për të tretin vit radhazi dhe fitoi fazën e dytë të turneut të grave në 2021.

Ajo gjithashtu fitoi garën kombëtare holandeze të rrugës dhe Nokere Koerse në fillim të këtij viti. /Gazeta Express/