Blinken: SHBA nuk është përfshirë në asnjë operacion sulmues

Lajme

Gazeta Express

19/04/2024 14:45

Shtetet e Bashkuara nuk janë përfshirë në asnjë operacion sulmues, tha Sekretari i Shtetit Antony Blinken, pasi një zyrtar amerikan i tha CNN se Izraeli kishte nisur një sulm ndaj Iranit.

“Ajo në të cilën jemi fokusuar, ajo në të cilën është fokusuar G7 dhe kjo reflektohet në deklaratën tonë dhe në bisedën tonë, është puna jonë për të de-përshkallëzuar tensionet nga çdo konflikt i mundshëm”, tha Blinken.

SHBA-së iu dha një njoftim paraprak të enjten për një sulm të synuar izraelit në ditët në vijim, por nuk e miratoi përgjigjen, tha më parë një zyrtar i dytë i lartë amerikan.

Antony Blinken, sekretari amerikan i shtetit, nuk pranoi të komentonte nëse SHBA kishte ndonjë paralajmërim për planet e Izraelit për të goditur Iranin këtë mëngjes, por tha: “Shtetet e Bashkuara nuk kanë qenë të përfshira në asnjë operacion sulmues”.

Ai tha se fokusi i tyre ka qenë sigurisht “që të sigurohemi që Izraeli të mbrohet në mënyrë efektive, por edhe të zvogëlojë tensionet dhe të shmangë konfliktin. Ky mbetet fokusi ynë”./Express/