Trajneri Xavi Hernandez ka paralajmëruar Barcelonën se do të largohet nga skuadra në fund të këtij edicioni.
Këtë vendim, trajneri spanjoll e kishte marr para pak kohësh, shkruan Gazeta Express.
Por, drejtuesit e klubit katalan janë të interesuar që Xavi të mbetet në skuadër të paktën edhe për një sezon.
Ata janë të kënaqur me ecurinë e spanjollit, sidomos javëve të fundit.
Por, raportimet e mediave spanjolle thonë se në rast se “Blaugrana-t” nuk ia dalin të bindin Xavi-n, atëherë një emër që shihet si pasues në krye të Barçës është ai i Rafael Marquez, trajneri aktual i ekipit B.
Barcelona me në krye Xavin janë në pozitën e dytë në tabelë, tetë pikë larg Real Madridit, kurse kanë një mundësi të mirë që ta prekin gjysmëfinalen në Ligën e Kampionëve.
Barça ka për kundërshtar Paris Saint-Germanin, të cilët i ka mundur ndeshjen e parë në Paris me rezultatin 2:3. /Gazeta Express/