Avokatja Shkodra: Roli i avokatit është shumë i rëndësishëm në kërkesat pasurore-juridike

Lajme

Gazeta Express

08/05/2026 23:20

E ftuar në emisionin “Tempus” në T7, avokatja Vjosa Shkodra tha se roli i avokatit është shumë i rëndësishëm në kërkesat pasurore-juridike.

“Definitivisht ky raport ishte me i hap syt dhe me kuptu që edhe avokatët kanë rol në këtë dhe kjo lloj praktike që e thash më herët që të vazhdojmë me procedurën tjetër për kërkesën pasurore-juridike, dhe roli i avokatit ka shumë domethënie këtu, do të thotë kur e përfaqëson si avokat palën e dëmtuar te prokurori i shtetit që luan rolin kryesor të figurës së veprës penale, e në fund gjykata vendos, roli i avokatit te kërkesa pasurore është shumë më i madh në këtë rast”, tha Shkodra.

Më tej, Shkodra shtoi se nëse palët nuk paraqesin kërkesën e tillë, gjykata nuk ka si të vendosë.

“Duhet të specifikohet, nëse nuk specifikohet gjykata nuk ka se si të vendos për kërkesën pasurore-juridike, sepse është shumë qartë e përcaktuar në Kodin e Procedurës Penale”, shtoi Shkodra.