Arbër Zeneli është rikthyer në elitën e futbollit suedez, duke u prezantuar nga skuadra e Elfsborgut.
Pas nënshkrimit, Zeneli u shpreh i lumtur me këtë lëvizje.
“Ndihem shumë mirë. Është gjë shumë e mirë që më në fund përfundoi gjithçka”, ka thënë Zeneli për faqen zyrtare të klubit.
Zeneli është transferuar tek Elfsborgu si futbollist i lirë. Tek ky ekip, ai do të luajë me vëllain e tij të vogël, Besfortin.
Në verën e vitit të kaluar u transferua te Adana Demirspori në Turqi ku i pati 13 paraqitje.