Arbër Kullashi i jep fund herët eksperiencës në Lojërat Mesdhetare

Sporte tjera

Gazeta Express

30/06/2022 12:22

Arbër Kullashi i ka dhënë fund shumë herët eksperiencës në Lojërat Mesdhetare.

Xhudisti kosovar është eliminuar qysh në rrethin e parë të garës që po mbahet në Oran të Algjerisë.

Ai garoi në kategorinë deri në 81 kilogramë ndërsa humbi me ippon nga algjeriani Aghiles-Imad Benazoug, shkruan “Gazeta Express”.

Kullashi ishte kundërshtar i denjë i Benazoug, i cili e shfrytëzoi edhe mbështetjen e tifozit për ta përplasur në dysheme garuesin kosovar.

Ndërkohë, sot do të garojnë edhe dy xhudistë kosovarë, Akil Gjakova dhe Laura Fazliu. /Gazeta Express/