Një aksident trafiku ka ndodhur para pak minutash në lagjen “Veternik” të Prishtinës, raporton Express
Në aksident janë përfshirë dy vetura, ndërkaq lajmin e ka konfirmuar zëdhënësja e policisë për rajonin e Prishtinës, Florie Ahmeti.
Ahmeti tha se dy persona kanë mbetur të lënduar nga ky aksident.
“Sot rreth orës 15:30, në lagjen Veterrnik, ka ndodhur një aksident komunikacioni me lëndime trupore, ku janë përfshirë dy automjete. Bazuar në të dhënat nga vendi i ngjarjes, si pasojë e aksidentit, 2 personave u është ofruar ndihmë mjekësore. Me rastin po merret njësiti i trafikut rrugor”, ka deklaruar Ahmeti.
Nga pamjet që kanë dërguar lexues të Express, shihet se njëra nga veturat ka dalë nga rruga.
Si pasojë, në rrugën ku ka ndodhur aksidenti janë krijuar kolona të gjata të veturave./GazetaExpress/