Aksident në aksin Korçë-Pogradec, 4 persona të plagosur

Gazeta Express

20/12/2019 14:55

Një aksident ka ndodhur sot në aksin Korçë-Pogradec pranë kthesës së Maliqit.

Raportohet se dy mjete janë përplasur me njëra-tjetrën dhe si pasojë e aksidentit janë plagosur katër persona, dy prej të cilëve drejtues të mjeteve, të cilët janë transportuar për në spital.

Policia ndodhet në vendin e ngjarjes dhe po heton për zbardhjen e rrethanave.

Informacion paraprak

Më datë 20.12.2019, jemi njoftuar se në aksin rrugor Korçë-Pogradec, pranë vendit të quajtur “Kryqëzimi i Maliqit”, janë përplasur mjeti tip “Peugeot” me drejtues shtetasin G.D., me mjetin tip “Volkswagen” me drejtuese shtetasen B.K.

Për pasojë janë lënduar dy drejtuesit e mjeteve dhe dy pasagjerët në mjetin tip “Peugeot” shtetasi B.B., dhe shtetasja S.B., të cilët janë transportuar për mjekim në Spitalin e Korçës.

Grupi hetimor po punon për zbardhjen e rrethanave të ngjarjes dhe përcaktimin e shkaqeve të aksidenti.