Para 27 viteve, shtetësia, identiteti dhe kultura jonë u njohën dhe u verifikuan nga i gjithë opinioni ndërkombëtar, nga e tërë bota, ka shkruar lideri i LSDM-së Zoran Zaev në profilin e tij në Fejsbuk me rastin e 27 vjetorit nga pranimi i vendit në Kombet e Bashkuara, përcjell GazetaExpress.
“Republika e Maqedonisë së Veriut, 27 vite anëtare e KB-së. Në ditën e sotshme mbushen 27 vite nga anëtarësimi i ynë në Kombet e Bashkuara, organizata më e madhe dhe më e rëndësishme në botë. Para 27 viteve, shtetësia, identiteti dhe kultura jonë u njohën dhe u verifikuan nga i gjithë opinioni ndërkombëtar, nga e gjithë bota”, shkruan Zaev në Fejsbuk.
Nëse anëtarësimi në KB në vitin e largët 1993, siç shton ai, ishte realizimi i aspiratës sonë shtetërore, sot anëtarësimi në NATO dhe negociatat me BE është realizimi i aspiratës sonë që Republika e Maqedonisë së Veriut të jetë partner i barabartë dhe aleat i botës së zhvilluar demokratike.
“Sot, Republika e Maqedonisë së Veriut pranohet dhe njihet si vend i lirë, demokratik – shtet miqësor i rajonit dhe botës”, shkruan lideri i LSDM-së, Zoran Zaev./GazetaExpress/B.Lika/