Fabrizi tregon për një laborator kundër Covid 19 në Batajnicë, Selimi e pyet për 1 mijë trupat e shqiptarëve të fshehur aty

Gazeta Express

03/04/2020 17:51

Serbia do të jetë në gjendje te testojë më shumë mostra të COVID 19 se sa deri më tani, falë laboratorëve që janë krijuar me ndihmën e Bashkimit Evropian. Në këtë mënyrë epidemiologët në Serbi do të jenë në gjendje të kontrollojnë më shumë përhapjen e koronavirusit, raporton Gazeta Express.

Kjo është bërë e ditur përmes një shkrimi në Twitter nga Shefi i Zyrës së BE-së në Serbi, Sem Fabrizi, që ka bërë të ditur se përmes këtij sistemi do të lehtësohet ndjeshëm procesi i testimit për këtë virus.

Këto mostra, ai ka bërë të ditur se janë duke u testuar në një laborator në Batajnicë, derisa krejt projekti ka kushtuar 7.5 milionë euro.

Last year I was w/ Serbian authorities at #Batajnica lab. ??donated ?? 7.5 millions € for its reconstruction, top notch equipment & training. Hats off to the smart ?? engineers & staff who transformed robots into COVID19 testing. #solidarityin action https://t.co/S5831VlpIM

— Ambassador Sem Fabrizi (@FabriziSem) April 2, 2020

Kësaj deklarate të Fabrizit i ka reaguar ish-ministri i Punëve të Jashtme, Petrit Selimi.

Selimi e ka pyetur shefin e zyrës së BE’së në Beograd nëse e dinë se cka ka ndodhur me pothuajse 1 mijë trupa të shqiptarëve që janë të fshehur në Batajnicë.

Në Twitter Selimi ka shkruar nëse aty ka ndonjë person të arrestuar për këtë temë, apo ndonjë përmendore./GazetaExpress/

Ambassador, did you inquire whatever happened with almost 1000 bodies that were hiden in Batajnica, dug up from #Kosovo massacre sites in a macabre “sanitation” operation carried by Serbian government in Serbia & Serbian parts of Bosnia? Anyone arrested. Any memorial there? https://t.co/emkQ1O0ZwM

— Petrit Selimi (@Petrit) April 3, 2020