Mjeku që po punonte në dy ndërrime preku gjithë botën, pasi shtëpinë ia shkatërroi tornado

Gazeta Express

30/03/2020 12:49

Ky mjek sakrifikoi veten në betejën kundër koronavirusit dhe tani bota i ka treguar atij që e vlerëson atë duke u organizuar për ta ndihmuar pasi një tornado i ka shkatërruar shtëpinë.

Doktori Jared Burks nga Arkansas u bë viral pasi postoi një foto në mediat sociale, ku komunikoi me fëmijën e tij përmes dritares.

Ai vendosi që do të merrte pjesë aktive në luftën kundër coronavirusit dhe do të izolohej nga gruaja dhe fëmija gjatë kësaj kohe, në mënyrë që të mos rrezikojë shëndetin e tyre.

Doktori vazhdoi të punojë në dy ndërrime, kushtuar kujdesit për pacientët dhe jetesës në shtëpi, dhe të dashurit e tij u zhvendosën tek prindërit e gruas së tij për ca kohë. Fotografia që u bë një hit viral është kur Burks i viziton ata i prek dorën të birit të tij përmes xhamit të dritares.

Por këto ditë shtëpia e tij u godit nga një tornado dhe u shkatërrua plotësisht.

Për fat të mirë, djali i tij 1-vjeçar dhe gruaja e Burks nuk jetonin në shtëpi në atë kohë, dhe Burks i mbijetoi tornados edhe pse ishte brenda.

Bashkëshortja e tij Alicia shkroi në profilin e saj në Facebook:

“Ne të gjithë jemi të sigurt. Shtëpia jonë është zhdukur. Jared ishte brenda, por mbijetoi me mëshirën hyjnore. Unë dhe Zack ishim në shtëpinë e nënës sime. Lutuni për ne ndërsa mbledhim copat”. /Reporteri.net