Shqiptari gjen vdekjen në një aksident tragjik në Itali, lë pas gruan dhe fëmijët

Gazeta Express

15/12/2019 11:55

Një burrë me origjinë shqiptare gjeti vdekjen në një aksident rrugor mëngjesin e sotëm në Moncalvo të Italisë.

Ngjarja ndodhi kur dy vetura, një Audi dhe një Punto, u përplasën fort midis tyre, duke bërë që bërë që drejtuesi i mjetit të dytë të gjente vdekjen e menjëhershme.

Mediat italiane shkruajnë se viktima është Telo Kurti, murator shqiptar banues prej vitesh në Otiglio.

Shumë i njohur në fshat, ai la gruan e tij Ismete dhe fëmijët e tyre Fatima dhe Andi, 27 vjeç, të cilët kanë marrë nënshtetësinë italiane javën e kaluar.

Incidenti ka ndodhur në Valle San Giovanni, në rrugën shtetërore që shkon nga Moncalvo për në Casale.

Shkaqet e përplasjes dyshohet të jetë shpejtësia e lartë ose ndoshta bllokimi i rrugës. Përplasja e tmerrshme nuk i dha asnjë shpresë 53 vjeçarit me origjinë shqiptare, por banues në Itali prej viteve 1990.

Në vendin e ngjarjes shkuan brigadat e zjarrfikësve dhe karabinierët.