5 akte ekspertimi për godinat e dëmtuara nga tërmeti! Inxhinieri: Durrësi mund të rrëzohet sërish

Gazeta Express

10/12/2019 8:07

Inxhinieri Agim Seranaj ka ngritur një shqetësim që në media nuk është bërë publik, dy javë pas tërmetit që i mori jetën 51 viktimave.

Fjala është për mënyrën sesi po inspektohen banesat e dëmtuara nga tërmeti. Inxhinieri ka sjellë mbrëmjen e djeshme në emisionin Opinion 5 llojë të ndryshme të formularëve, që janë përdorur këto dy javë post- tërmet, për të evidentuar dëmet e shkaktuara prej lëkundjeve.

Inxhinieri thotë se secili nga ekspertët e sjellë për evitentimin e dëmeve ka zgjedhur mënyrën e tij, teksa dukshëm sasia e formularëve tregon gjendjen kaotike dhe të parregullt të procesit më të rëndësishëm në të cilin po kalon sot e gjithë pjesa qendrore e perëndimore e vendit.

Inxhinieri tha se ndërhyrja tek objekte në të cilat nuk ka mbaruar ende ekspertiza e mirëfilltë është një dëm i madh që po bëhet, pasi godinat në fjalë rrezikohen më tutje nga lëkundje të tjera edhe më të vogla. Ai solli si shembull një ndërtesë të dëmtuar, në të cilën kishte nisur puna për restaurimin e saj, ndërkohë që ekspertët amerikanë kishin vlerësuar se ajo rrezikonte një çerdhe që ndodhej aty pranë.

Agim Seranaj: Pa u pritur dhe pa u filluar faza e dytë, sepse pranë kësaj ishte një çerdhe që ishte bllokuar për t’u hapur sepse specialistë amerikanë kishin thënë, mirë çerdhja është në rregull, por oborri rrezikohet sepse mund të shembet ky objekt, prandaj ne shkuam dje si grup i tretë. Sepse grupi i parë kishte thënë është në rregull, grupi amerikan kishte thënë kjo shembet, grupi i tretë ishim ne. Ne u çuditëm më shumë nga kjo, që atje kishin filluar punimet, edhe jashtë ku këtu ka aq dëme, ku ja po punon ai ustai atje.

Blendi Fevziu: Ça po bën ai?

Agim Seranaj: Ai e di ça po bën.

Blendi Fevziu: Pra ju thoni që është objekt që nuk mund të jetohet dhe ai po bën punë brenda?

Agim Seranaj: Dhe objekte të tilla në Durrës tani që ne kemi qenë gjithë kohën janë duke u bërë gabime më të mëdha sesa ne kemi bërë deri më sot.

Agim Seranaj: Këto i prodhon ajo që në gjithë fazën e parë, e kemi kështu edhe tani. Pra më shumë janë gabime tani, sesi po punojmë, e do të ndodhin më shumë gabime sesi po ndërhyjmë dhe në një tërmet tjetër më të ulët se ky, Durrësi do rrëzohet e do dëmtohet më shumë. Objektet që ne po ndërhyjmë, t’i bëjmë me shpejtësi, pa u mbaruar akoma ekspertiza e mirëfilltë, e vlerësimit të dëmeve dhe e mënyrës sesi duhet të ndërhyjmë, ka procedurë. Nuk bëhet partizançe, artizanalçe, se na kapi shiu e bora, por ngrihen institucione. Institucioni i parë që duhet të kryente aktin e konstatimit ka prodhuar në treg atje, 5 formularë të ndryshëm që unë kam mundur t’i kem. Mund të jenë 20 formularë.

Blendi Fevziu: Kush i lëshon formularët?

Agim Seranaj: Formularët i lëshon kush të dojë deri më sot.

Blendi Fevziu: Të gjithë janë formate specialistësh këto?

Agim Seranaj: Formate që po bëhet akt konstatimi, po mbyllet gjoja faza e parë