Sirena italiane dhe angleze për Mastantuonon

Sport

Gazeta Express

27/07/2026 14:09

Jo vetëm Fiorentina është në garë për Franco Mastantuonon.

Mesfushori i Real Madridit pritet të largohet nga klubi spanjoll, i cili synon ta huazojë për sezonin e ardhshëm në mënyrë që të fitojë më shumë përvojë.

Pikërisht për këtë arsye, klubi vjollcë është futur në garë për ta mbyllur sa më shpejt transferimin, por duhet të përballet me konkurrencë të fortë për talentin argjentinas.

Sipas asaj që raporton edicioni i sotëm i gazetës spanjolle AS, 18-vjeçari pëlqehet shumë edhe në Angli, ku Fulhami po e ndjek nga afër, përcjell “Gazeta Express”.

Klubi londinez në fakt aktualisht duket se është në avantazh për t’i siguruar shërbimet e lojtarit.

Tashmë mbetet të shihet se si do të zhvillohen ngjarjet në afatin kalimtar të verës.

Jose Mourinho nuk llogarit në shërbimet e talentit argjentinas, i cili e nisi furishëm sezonin e kaluar, të parin për të në Evropë, por më pas pati rënie dhe përfundoi kryesisht në bankinë tek “Los Blancos”.

Natyrisht, një huazim i mundshëm do t’i bënte mirë atij dhe Realit, ndërsa lojtari mund të rikthehet më pas në “Santiago Bernabeu” pas një viti më i pjekur, me më shumë përvojë dhe minuta në këmbët e tij. /Gazeta Express