Barcelona është interesuar për nënshkrimin e yllit të mbrojtjes së Arsenalit

Futboll

Gazeta Express

30/05/2026 22:01

Barcelona po përqendrohet këtë verë kryesisht në përforcimin e repartit ofensiv, pas largimit të Robert Lewandowskit, por ndërkohë është lidhur edhe me një lëvizje surprizë në mbrojtje për lojtarin e Arsenalit, Piero Hincapié.

Në prill, Barcelona ishte e lidhur fort me mbrojtësin e Interit, Alessandro Bastoni, madje u raportua se kishte arritur marrëveshje personale me të. Megjithatë, dyshimet e trajnerit Hansi Flick rreth transferimit bënë që marrëveshja të dështojë.

Që atëherë, klubi katalanas ka bërë një transferim të madh prej 80 milionë eurosh për Anthony Gordon nga Newcastle United, ndërsa synimet e radhës përfshijnë Bernardo Silva dhe Julián Álvarez.

Paralelisht, klubi duket se po i beson edhe zhvillimit të Gerard Martín si zgjidhje e mundshme në krahun e majtë të mbrojtjes qendrore.

Sipas raportimeve të “ESPN”, Barcelona ka kërkuar informacion për situatën e Hincapié tek Arsenali, pasi klubi anglez ende nuk ka vendosur nëse do ta aktivizojë opsionin e blerjes prej 52 milionë eurosh pas huazimit nga Bayer Leverkusen.

24-vjeçari ka zhvilluar një sezon të fortë në Londër, duke luajtur 38 ndeshje, me 1 gol dhe 2 asistime. Ai ka qenë pjesë e rotacionit në disa pozicione, duke konkurruar si në mbrojtje qendrore ashtu edhe në krahun e majtë me lojtarë si William Saliba, Gabriel Magalhães dhe Riccardo Calafiori.

Hincapié gjithashtu ka 51 paraqitje me përfaqësuesen e Ekuadorit dhe përvojë në Bundesliga dhe Premierligë.

Megjithatë, vlerësohet se pozicioni i tij më i fortë është në një mbrojtje me tre lojtarë, ndërsa në një skemë me katër mbrojtës ka kaluar më shumë kohë si mbrojtës i majtë sesa si qendërmbrojtës i pastër./GazetaExpress/