“Krah me Rugovën ishte ky zotëriu këtu”, Abdixhiku emocionohet teksa flet për Alush Gashin, ndan histori me të

Lajme

Gazeta Express

21/05/2026 21:18

Kryetari i LDK-së, Lumir Abdixhiku, i cili është kandidat për kryeministër, tha se ka pas shumë momente e histori me të ndjerin Alush Gashi, “sidomos jashtë vendit, saherë që udhëtonim jashtë, seç hapeshin dyert në mënyrë magjike për të”, tha Abdixhiku.

Abdixhiku rrëfeu momente dhe detaje shumë të afërta me Alush Gashin.

“Me prof..Gashin, ai kishte ndërtuar një relacion miqësor me mua që nga fillimi…Sidomos në udhëtime jashtë, bënim humor të zi me njëri-tjetrin… I kisha premtu që do bëja një fjalim të mirë në akademi mortore të tij…”, tha Abdixhiku i emocionuar në Pressing, duke shtuar se “po ikin të parët e LDK-së”.

Në një takim në Pentagon, zyrtari senior i kishte thënë Abdixhikut se “krah me Rugovën ishte ky zotëria”, për Alush Gashin, duke treguar për modestinë e tij dhe veprimtarinë që ka bërë për vendin, teksa rrëfeu detaje për vizitën atje.

Video: