Hoxha: Po realizohet menaxhimi modern i mbeturinave

Maqedoni

Gazeta Express

20/05/2026 14:48

Ministri i Ekologjisë Muhamet Hoxha deklaroi se pas shumë vitesh diskutimesh për menaxhim modern të mbeturinave, tashmë po realizohen hapa konkretë në terren.

Ai theksoi se janë duke u krijuar qendrat e para rajonale për menaxhimin e mbeturinave, ndërsa komunave po u shpërndahen pajisje dhe mekanizma modernë për përmirësimin e këtij sistemi.

“Në panel-diskutimin e sotëm u fol për sistemin rajonal të menaxhimit të mbeturinave si bazë për ekonominë qarkulluese. Nga mbeturinat si problem, drejt mbeturinave si burim. Ky është transformimi i gjelbër që duhet ta bëjmë së bashku, me përgjegjësi dhe vendosmëri”, deklaroi Hoxha.