Garda Revolucionare e Iranit sulmon një cisternë që po kalonte në Ngushticën e Hormuzit pas vendimit për mbyllje

Lajme

Gazeta Express

18/04/2026 13:20

Anije të vogla luftarake të Gardës Revolucionare të Iranit kanë qëlluar ndaj një cisternë që po udhëtonte përmes Ngushticës së Hormuzit të shtunën, sipas një njoftimi nga Organizata e Trafikut Detar të Mbretërisë së Bashkuar (UKMTO).

UKMTO tha se kishte marrë një njoftim të drejtpërdrejtë nga kapiteni i cisternës, i cili raportoi se “ishte afruar nga 2 anije të armatosura të IRGC-së”, rreth 30 km larg bregdetit të Oman.

Kapiteni tha se nuk kishte pasur asnjë paralajmërim me radio përpara se anija – identiteti i së cilës nuk u bë i ditur nga UKMTO – të qëllohej.

“Cisterna dhe ekuipazhi raportohen të sigurt”, njoftoi UKMTO.

Incidenti ndodhi ndërsa Irani rivendosi kufizime të rrepta për anijet që kërkojnë të kalojnë ngushticën, në përgjigje të deklaratës së presidentit amerikan Donald Trump të premten, se bllokada amerikane ndaj anijeve që përdorin portet iraniane do të vazhdojë.

“Për sa kohë që kalimi i anijeve nga origjina iraniane drejt destinacionit iranian mbetet nën kërcënim, statusi i Ngushticës së Hormuzit do të mbetet në gjendjen e mëparshme”, postoi në X marina e Gardës Revolucionare të Iranit të shtunën.