“Njoftim për person të zhdukur, i cili qan shumë”, tifozët në Arabinë Saudite bëjnë hajgare me Cristiano Ronaldon

Futboll

Gazeta Express

04/02/2026 12:44

Një njoftim për person të zhdukur i përgatitur për Cristiano Ronaldon në Arabinë Saudite, me frazën: “Po e kërkojmë këtë burrë 40-vjeçar me probleme të forta me të qarat”, është bërë temë diskutimi.

Ndërsa autenticiteti i njoftimit debatohet, disa e shohin atë si humor, ndërsa të tjerë argumentojnë se është mungesë respekti ndaj yllit portugez në Arabinë Saudite, përcjell “Gazeta Express”.

Imazhet shoqëroheshin me atmosferën e futbollit në Arabinë Saudite dhe polemikat me të cilat është përballur Ronaldo kohët e fundit.

Ky “njoftim për person të zhdukur” është bërë një temë e nxehtë në mediat sociale saudite.

Njoftimi, i cili pretendohet se është postuar në mure, përmban fraza tallëse për “CR7”.

“Po e kërkojmë këtë burrë 40-vjeçar me probleme të tepruara me të qarat.”

Postimi u bë shpejt viral dhe u interpretua si një goditje ndaj Ronaldos.

Cristiano Ronaldo aktualisht është një nga figurat më të rëndësishme sportive në Arabinë Saudite, jo vetëm për shkak të paraqitjeve të tij me Al-Nassr, por edhe si ambasador i imazhit sportiv dhe turistik të vendit.

Kjo reklamë, megjithatë, e ka arritur qëllimin kryesor: të tërheqë vëmendje dhe të krijojë debat, duke e rikthyer edhe një herë Ronaldon në qendër të diskutimeve publike. /Gazeta Express