“Plisat” të pikëlluar nga vrasja e sontme në kryeqytet: “Radulla” dha gjithçka për qytetin, klubin e kombëtaren

Lajme

Gazeta Express

28/05/2026 0:27

Tifogrupi i FC Prishtinës, “Plisat” kanë reaguar pas vrasjes së sotme që ka  ndodhur në lagjen “Bregu i Diellit” në Prishtinë.

Aty i vdekur mbeti Agron Hajdari – i njohur si “Radulla”.

Përmes një postimi në Facebook, “Plisat” kanë shprehur ngushëllime për anëtarin e tyre.

Postimi i plotë:

Me pikëllim të thellë ju njoftojmë se ka ndërruar jetë anëtari ynë, Agron Hajdari, Radulla.

Për më shumë se dy dekada ai ishte pjesë e pandashme e tribunës dhe Plisave, duke dhënë gjithçka për qytetin, klubin dhe Kombëtaren në çdo moment.

Kujtimi për të do të mbetet gjithmonë i gjallë.
Ngushëllime më të sinqerta për familjen e tij, shokët dhe të gjithë Plisat.

Pusho i qetë Goni! ULTRAS NEVER DIE