Një klub nuk mundi të besonte se iu ofrua mundësia të nënshkruajë me Raheem Sterling

Futboll

Gazeta Express

03/02/2026 0:00

Një klub mbeti “duke fërkuar sytë” pasi iu ofrua mundësia për të nënshkruar me Raheem Sterling.

Në janar, pasi doli jashtë planeve te Chelsea, Sterling u nda me klubin e “Stamford Bridge”.

Në një deklaratë zyrtare, klubi tha: “Raheem Sterling sot është larguar nga Chelsea Football Club me marrëveshje të ndërsjellë, duke i dhënë fund tre vjet e gjysmë si lojtar i yni, pasi ishte transferuar në verën e vitit 2022 nga Manchester City. E falënderojmë Raheem për kontributin e tij si lojtar i Chelseat dhe i urojmë sukses në fazën e radhës të karrierës.”

Që atëherë, anglezi është lidhur me klube si West Ham United, Fulham, Crystal Palace dhe Tottenham Hotspur.

Anësori ende nuk ka gjetur një klub të ri, me afatin kalimtar që mbyllet të hënën në mbrëmje.

Megjithatë, si lojtar i lirë, Sterling mund të bashkohet me një ekip të ri në çdo moment.

Sipas gazetarit të “Sky Sports Germany”, Florian Plettenberg, një klub mbeti i habitur pasi iu ofrua Sterling.

Klubi në fjalë ishte Union Berlin nga Bundesliga gjermane.

Plettenberg shkroi në rrjetet sociale:

“Raheem Sterling iu ofrua Union Berlinit ditët e fundit. Siç konfirmoi ekskluzivisht për ‘Sky’ drejtori menaxhues Horst Heldt: ‘Ndonjëherë duhet të fërkosh sytë (…) Në këtë rast, nuk dukej shumë serioze. Nuk e ndoqëm më tej.’”

Duke folur së fundmi për Sterling, ish-ylli i Liverpoolit dhe Anglisë, Jamie Carragher, tha:
“Kishte ndjesinë se Sterling kurrë nuk arriti ta fitonte plotësisht dashurinë e të tjerëve.
Nuk jam i sigurt sa lart do të renditej ai në një listë të të gjithë kohërave të lojtarëve më të mëdhenj të Anglisë dhe Manchester Cityt. Dyshimi im është se do të renditej më poshtë sesa e meriton. Po të kishte përfunduar karriera e Sterling me largimin nga Manchester City katër vite më parë, ai do të kishte arritur më shumë deri në moshën 27-vjeçare sesa shumica arrijnë gjatë gjithë jetës”./GazetaExpress/