Genc Nuza iu prin gjyqtarëve kosovarë në ndeshjen e Ligës së Konferencës

Futboll

Gazeta Express

25/11/2025 12:25

UEFA ka caktuar një ekip të plotë gjyqtarësh nga Kosova për ndeshjen e fazës së grupeve në UEFA Conference League mes Sigma Olomouc dhe Celje, e cila zhvillohet më 27 nëntor në Anderuv Stadion, Olomouc.

Ky është një hap i rëndësishëm dhe një tjetër dëshmi e progresit që po bëjnë gjyqtarët kosovarë në arenën ndërkombëtare.

Kryesor i kësaj ndeshjeje do të jetë Genc Nuza, një nga arbitrat më të vlerësuar të Kosovës, me përvojë të vazhdueshme në garat evropiane.

Në vijë do ta asistojnë Edmond Zeqiri dhe Fatmir Sekiraqa, ndërsa sistemi VAR do të drejtohet nga Dardan Çaka, me Lirim Jashar si asistent i VAR-it. Zyrtar i katërt i ndeshjes do të jetë Vigan Iberdemaj.