Tri transferimet e mëdha që mund t’i bëjë Reali, nëse e shet Viniciusin

Sport

Gazeta Express

18/07/2025 22:10

Nga Arabia Saudite po përgatitet një ofertë stratosferike për ta marrë Vinícius Júnior nga Real Madridi. Edhe pse deri tani nuk është bërë asnjë ofertë zyrtare ndaj klubit apo lojtarit, tashmë po qarkullojnë zëra të fortë që flasin për një tentativë të afërt: përflitet një ofertë prej 350 milionë eurosh për Real Madridin dhe një kontratë prej 1 miliard eurosh për Viníciusin, e shpërndarë në pesë sezone.

Në Santiago Bernabéu nuk po e marrin parasysh largimin e tij, por nëse lojtari vendos të largohet, klubi nuk do të vendosë pengesa, për aq kohë sa mbërrin një propozim i këtij kalibri. Në këtë kontekst, drejtuesit e klubit kanë nisur të mendojnë për një plan riinvestimi: me këtë shumë të ardhurash, Real Madridi do të ishte i gatshëm të përforconte tre pozicione kyçe.

Në mbrojtje, emri i preferuar është Ibrahima Konaté, qendërmbrojtës i Liverpoolit dhe pjesë e kombëtares franceze.

Në mesfushë, objektivi kryesor do të ishte Rodrigo Hernández (Rodri), një nga lojtarët më të kompletuar në botë dhe element thelbësor te Manchester City.

Në sulm, Florentino Pérez dhe stafi i tij do të kërkonin një sulmues që jo vetëm shënon, por që përshtatet mirë me Kylian Mbappé.

Megjithëse Vinícius ka deklaruar disa herë se dëshiron të qëndrojë për shumë vite te Real Madridi, rinovimi i tij ende nuk është finalizuar, dhe atmosfera po bëhet gjithnjë e më e pasigurt. E ardhmja e tij do të varet nga fakti nëse të dyja palët arrijnë të firmosin një marrëveshje të re në kohë. Në të kundërt, Arabia Saudite mund të përfitojë nga situata dhe të shkaktojë një ndryshim radikal në projektin sportiv të Real Madridit.

Në çdo rast, klubi i bardhë tashmë ka një plan se si të rindërtojë skuadrën nëse kjo largim i papritur bëhet realitet./GazetaExpress/