Laura Fazliu mposhtet në finale, fiton medaljen e argjendtë

Sporte tjera

Gazeta Express

21/12/2022 16:29

Laura Fazliu është treguar e jashtëzakonshme në Mastersin e Izraelit.

Xhudistja kosovare e ka fituar medaljen e argjendtë në kategorinë deri në 63 kilogramë, shkruan Gazeta Express.

Në luftë për medaljen e artë, ajo u mposht nga japonezja, Miku Takaichi me IPPON.

Fazliu ishte më e suksesshme sesa izraelitja Gili Sharir, të cilën e eliminoi në gjysmëfinale, shkruan “Gazeta Express”.

Paraprakisht, Laura në rrethin e parë e mposhti francezen Manon Deketer.

Në atë të dytë ishte më e mirë se sllovenia Andreja Leski, kurse në çerekfinale e eliminoi polaken Angelika Szymanska.

Kujtojmë se dje, Distria Krasniqi e fitoi medaljen e artë, kurse Nora Gjakova u rendit e pesta.

Nesër do të garojë edhe Loriana Kuka. /Gazeta Express/