Romano tregon se Arsenali ka një pengesë për ta blerë Sanen e Bayernit

Futboll

Gazeta Express

07/12/2022 10:19

Topçinjtë kanë hasur në një barrierë për blerjen e sulmuesit të Bayernit

Sipas ekspertit të transferëve, Fabrizio Romano, Arsenali duhet të përgatit një shumë të madhe të parave nëse ata dëshirojnë të marrin shërbimet e Leroy Sane.

Sulmuesi i Bayern Munchen nuk duket se do të rikthehet në Angli, që do të thotë se Topçinjtë duhet të gjejnë diku tjetër një zëvendësues për Gabriel Jesus.

“Ka pasur shumë spekulime, por nuk ka biseda mes Bayernit dhe Arsenalit për Sane deri me sot. Nuk shoh që Bayerni do ta shesë Sane në janar, jo derisa nuk shkon një ofertë e çmendur për ta – plani i tyre është që ai të vazhdojë me ta”./GazetaExpress/