E jashtëzakonshme, Laura Fazliu e artë në Lojërat Mesdhetare

Sporte tjera

Gazeta Express

30/06/2022 17:28

Lajmet e mira nuk kanë të ndalur nga Orani i Algjerisë.

Laura Fazliu e ka fituar medaljen e artë në xhudo në kategorinë deri në 63 kilogramë, në Lojërat Mesdhetare, shkruan Gazeta Express.

Fazliu në finale mposhti xhudisten spanjolle, Cristina Cabana Perez me një waza-ari në Golden Score.

Në rrugëtimin e saj, Fazliu mposhti në gjysmëfinale Amina Belkadin nga Algjeria, kurse në çerekfinale e mposhti Iva Oberanin nga Kroacia.

Në vazhdim, Akil Gjakova do të luftojë për medaljen e bronztë. /Gazeta Express/