Lufta me simbole e atletit ukrainas dhe atij rus në Kampionatin Botëror të gjimnastikës

Sporte tjera

Gazeta Express

06/03/2022 8:35

Atleti rus i gjimnastikës, Ivan Kuliak shkaktoi zemërim të shtunën duke veshur një simbol të luftës ruse në fanellën e tij ndërsa ndante një podium me një rival ukrainas.

Ish-kampioni rus i të rinjve Kuliak sapo kishte përfunduar i treti pas fituesit nga Ukraina, Illia Kovtun në hekurat paralele në një ngjarje të Kupës së Botës në Doha, transmeton Gazeta Express.

Dhe ndërsa gjimnastët u fotografuan duke qëndruar krah për krah për të marrë medaljet e tyre, dukej qartë një shkronjë ‘Z’ e ngjitur në mes të fanellës së Kuliak. 

Shkronja Z, e cila simbolikisht përfaqëson ‘fitoren’ në rusisht, është ngjitur në pjesën e përparme të tankeve të  Vladimir Putin dhe automjeteve të tjera ushtarake.

Z në fanellën e tij ishte në vend të flamurit rus, i ndaluar nga Federata Ndërkombëtare e Gjimnastikës, e cila gjithashtu ka anuluar të gjitha ngjarjet në Rusi dhe Bjellorusi.

Politikanët, aktivistët dhe influencuesit pro-Putin janë parë gjithashtu të veshur me rroba dhe distinktivë me shkronjën ‘Z’ për të treguar mbështetjen e tyre për luftën.

Ministria ruse e Mbrojtjes lëshoi një deklaratë duke thënë se “Z” do të thotë fitore. /Gazeta Expresss/