Donald Veshaj flet përsëri për lidhjen me Bora Zemanin

Rozë

Gazeta Express

19/10/2021 13:25

Big Brother VIP nisi rreth dy javë më parë dhe ka qenë në qendër të vëmendjes së mediave rozë për shkak të situatave të ndryshme të krijuara nga banorët e shtëpisë të cilët ka bërë për vete publikun.

Pjesë e spektaklit të njohur janë emra të famshëm shqiptarë e të cilët nuk kanë hezituar që të tregojnë histori personale, tradhti e shumë të pathëna nga jeta e tyre.

Një diskutim i tillë personal ishte edhe ai mes aktorit Donald Veshaj dhe ish-futbollistit, Granit Cana, të dy kanë treguar për historitë e fundit të dashurisë.

Donaldi si rrallë herë ka folur për romancën me prezantuesen e njohur shqiptare, Bora Zemanin, me të cilin ka qenë në lidhje një kohë të gjatë, dyshja madje edhe dolën publikisht.

“Ka 4-5 muaj që jemi ndarë. Po e kam dashur. Kemi qenë bashkë 2 vjet e gjysmë, kemi bashkëjetuar. Ka qenë diçka e fortë fare, por jeta bën të vetën”, ka thënë Donaldi për lidhjen me Borën.

Në anën tjetër edhe Graniti u shpreh se ka qenë në lidhje me një vajzë me të cilën ka bashkëjetuar dhe kanë qenë të pandashëm, por siç u shpreh ai raporti u konsumua dhe ndarja ishte vendimi i duhur.

Ndërkohë, kujtojmë që së fundi, moderatorja Bora Zemani ka reaguar për lajmet e fundit lidhur me raportet e saj me Donaldin dhe banorën tjetër të Big Brother VIP, Semi Jaupaj të cilën e ka mike të ngushtë.

*BIG Brother VIP Albania mund ta ndiqni ekskluzivisht në platformën IPKO, në dy kanale HD të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.