Akili pa pikë të dobët, kualifikohet në çerekfinale të “Tokyo 2020”

Sporte tjera

Gazeta Express

26/07/2021 6:39

Akil Gjakova po tregon paraqitje fantastike në Lojërat Olimpike “Tokyo 2020” në kategorinë deri në 73 kilogramë.

Akili triumfoi në raundin e tretë ndaj xhudistit suedez, Tommy Macias, duke u kualifikuar në çerekfinale, shkruan Gazeta Express

Ai në raundin e dytë pati punë me xhudistin zviceran, Nils Stump, të cilin e mposhti me IPPON, duke u kualifikuar tutje.

Në raundin e parë, Akili fitoi me IPPON pas 16 sekondave ndaj xhudistit nga Jemeni, Ahmed Ayash.

Kujtojmë se në të njëjtën kohë po garon edhe motra e Akilit, Nora Gjakova. Ajo është kualifikuar në çerekfinale në kategorinë deri në 57 kilogramë. /Gazeta Express/