Ardhja e re e Tottenhamit, rezulton pozitiv me COVID-19

Gazeta Express

16/11/2020 15:16

Blerja e re e Tottenham Hostpur, Matt Doherty, ka rezultuar pozitiv në testin për COVID-19.

Mbrojtësi i krahut të djathtë u transferua te skuadra angleze Tottenham nga Wolverhamptoni, raporton Gazeta Express.

Doherty ka qenë zgjedhja e parë e trajnerit Jose Mourinho që nga ardhja e tij në Londër duke startuar në gjashtë ndeshjet nga tetë të zhvilluara.

28-vjeçari gjendet i grumbulluar me kombëtaren e Irlandës.

Së bashku me të, pozitiv rezultoi edhe bashkëkombësi i tij, James McClean.

Që të dy gjenden të izoluar dhe do të mungojnë në ndeshjen e radhës në Dublin kundër Bullgarisë.

Deri tani kanë rezultuar pozitivë gjithsej katër lojtarë për kombëtaren e Irlandës. /Gazeta Express/