Sonte akti i tretë gjysmëfinal, Trepça-Sigal Prishtina

Basketboll

Gazeta Express

28/04/2024 11:23

Sonte do të zhvillohet dueli i tretë gjysmëfinal në basketboll mes Trepçës dhe Sigal Prishtinës.

Mitrovicasit i kanë fituar dy përballjet e para, shkruan Gazeta Express.

Ata do ta kenë mundësinë që në “Minatori” të mbyllin dilemën e ekipit që kualifikohet në finale.

Në anën tjetër, Sigal Prishtina do të tentojë të mbijetojë, për ta dërguar serinë gjysmëfinale edhe njëherë në Prishtinë.

Në gjysmëfinalen tjetër, Ylli është duke avancuar 2:1 me fitore ndaj Pejës.