Ish-presidenti i Indisë në gjendje kritike pas infektimit me koronavirus

Gazeta Express

11/08/2020 10:59

Pranab Mukherjee, i cili ka qenë president i Indisë nga viti 2012 deri në vitin 201ë, ndodhet në gjendje kritike dhe në ventilator, një ditë pas diagnostikimit me koronavirus.

Ish-presidenti 84-vjeçar ndodhej në spital për një ndërhyrje kirurgjike në tru, kur zbuloi se është prekur nga koronavirusi, shkruan BBC, transmeton Gazeta Express.

Mediet lokale kanë cituar burimet spitalore të kenë thënë se gjendja e tij është kritike dhe se orët e ardhshme do të jenë të rëndësishme.

Përpos që ka shërbyer si presidenti, Mukherjee ka qenë edhe ministër i Financave, ministër i Mbrojtjes dhe ministër i Punëve të Jashtme. Ai gjithashtu ka qenë pjesë e bordeve të Fondit Monetar Ndërkombëtar dhe Bankës Botërore.

India është në vendin e tretë në botë për numrin më të madh të personave të infektuar, ndonëse shkalla e vdekjeve nga koronavirusi është ende relativisht e ulët. Për më pak se tri javë, numri i rasteve u rrit nga një në dy milionë.

Në 24 orët e kaluara, në Indi u raportuan gati 64,000 raste të reja dhe shifra e përgjithshme e të prekurve shkoi në rreth 2.3 milionë persona.