Përfaqësuesi i CDU/CSU-së në Bundestagun gjerman Johan Wadephul, është shprehur i keqardhur që kuvendi ende nuk e ka kodifikuar dhe kaluar në parlament marrëveshjen e arritur për reformën zgjedhore.
“Shpreh keqardhjen që marrëveshja e 5 qershorit nuk është kodifikuar akoma. Aprovimi me konsensusin e partive politike i reformës zgjedhore, pa asnjë ndryshim, si dhe zbatimi i saj është kyç për rrugën e Shqipërisë drejt BE. Nxis të gjitha palët, në veçanti, deputetët, ta finalizojnë këtë kriter të rëndësishëm. Forca Shqipëri!”-shkruan politikani gjerman, duke kujtuar dhe njëherë se reforma zgjedhore mbetet një ndër kushtet për hapjen e negociatave me BE-në./Express