Von der Leyen: BE më e fortë se 5 vite më parë, çmimi i gazit do të bjerë së shpejti

Lajme

Gazeta Express

23/04/2024 13:00

Bashkimi Europian është më i fortë se pesë vite më parë. Kjo është deklarata që ka bërë shefja e Komisionit Europian Ursula von der Leyen ditën e sotme.

“Të dashur kolegë, ne kemi kaluar nëpër ferr dhe batica. Por në shumë aspekte, ne kemi dalë më të fortë se pesë vjet më parë”.

Deklaratat, Von der Leyen i bëri në seancën e fundit plenare të Parlamentit Europian.

“Nuk kam harruar – shtoi ajo – se në vitin 2020 shumë parashikuan papunësi masive në Evropë dhe një recesion i gjatë. Nuk ndodhi. Përkundrazi, sot kemi më shumë njerëz në punë se në çdo kohë tjetër në historinë evropiane. Papunësia është në nivelet më të ulëta historike, nën 6%…”

Shefja e KE-së deklaroi gjithashtu se çmimi i gazit do të bjerë së shpejti në hapësirën e Unionit.

“Kostot e energjisë, nënvizoi ajo më pas, vazhdojnë të ndikojnë në konkurrencën tonë. Agjencia Ndërkombëtare e Energjisë na thotë se mund të ketë një lehtësim në horizont. Vitin e kaluar, gjatë krizës energjetike, janë bërë shumë investime. Një valë e madhe e LNG-së së re ( projektet e eksportit të gazit natyror të lëngshëm) po vijnë në treg dhe së shpejti mund të kalojmë nga një mungesë globale LNG në një çmim të bollëkut të gazit LNG.”