Vettingu shkarkon ish- kreun e gjykatës së Tropojës, Dritan Seci

Gazeta Express

24/11/2020 20:01

Kolegji i Posaçëm i Apelimit (KPA) ka lënë në fuqi vendimin e komisionit të pavarur të kualifikimit (KPK) për shkarkimin nga sistemi i drejtësisë të ish kreut të gjykatës së Tropojës, Dritan Seci.

Seci u shkarkua nga vettingu (KPK) në mars të këtij viti me argumentin se nuk justifikonte një shumë prej 20 mijë eurosh  dhe një banesë të llojit apartament.

VENDIMI I PLOTE

Trupi gjykues i Kolegjit të Posaçëm të Apelimit, i përbërë nga Rezarta Schuetz kryesuese, Ardian Hajdari relator, Ina Rama, Natasha Mulaj, Sokol Çomo anëtarë, shpalli vendimin për çështjen (JR) nr.33/2019, datë 15.07.2019, që lidhet me ankimin e subjektit të rivlerësimit Dritan Seci, kundër vendimit nr. 114, datë 11.03.2019 të Komisionit të Pavarur të Kualifikimit.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

1. Lënien në fuqi të vendimit nr. 114, datë 11.03.2019 të Komisionit të Pavarur të Kualifikimit, që i përket subjektit të rivlerësimit Dritan Seci.
2. Ky vendim është përfundimtar dhe ka efekt të menjëhershëm.

U shpall sot, në Tiranë, më datë 24.11.2020.