Vdekja tragjike e çiftit në bjeshkët e Junikut, një prokuror i krimeve të rënda shkon në vendin e ngjarjes - Gazeta Express
string(105) "vdekja-tragjike-e-ciftit-ne-bjeshket-e-junikut-nje-prokuror-i-krimeve-te-renda-shkon-ne-vendin-e-ngjarjes"

Vdekja tragjike e çiftit në bjeshkët e Junikut, një prokuror i krimeve të rënda shkon në vendin e ngjarjes

Lajme

Gazeta Express

25/12/2023 14:32

Pronari i fabrikës së ujit “Juniku” në këtë qytet, Mic Tofaj dhe bashkëshortja e tij kanë humbur jetën tragjikisht në bjeshkët e kësaj komune.

Zëdhënësi i Prokurorisë Themelore të Pejës, Shkodran Nikçi i tha Gazetës Express se trupat e pajetë u gjetën në një shtëpi banimi në bjeshkët e Junikut.

Lexo Edhe:

Ai tha se një prokuror i krimeve të rënda është duke shkuar në vendin e ngjarjes.

“Janë dy trupa të pajetë që janë gjetur në një shtëpi banimi në bjeshkët e Junikut. Prokurori i krimeve të rënda është duke shkuar në vend të ngjarjes”, tha Nikçi.

Ai tha se “njësitet relevante policore do të bëjnë hetim rreth shkakut të vdekjes së tyre”.

“Dy trupat e pajetë do të dërgohen për autopsi në Mjekësinë Ligjore”, tha Nikçi.

Një faqe me emrin “Deçani” shkroi pak më herët në Facebook se ata vdiqën “si pasojë e plasjes së një bumbole gazi”.