Vasfije Krasniqi-Goodman: Sa herë që jemi në kushte të barabarta, Serbia humb çdo betejë

Lajme

Gazeta Express

23/04/2024 8:25

Sa herë që jemi në kushte të “barabarta” Serbia, humb çdo betejë.

Kështu ka thënë Vasfije Krasniqi – Goodman, e mbijetuara e dhunës seksuale gjatë luftës në Kosovë e cila ishte prezentë dje në mbledhjen e Këshillit të Sigurimit të Kombeve të Bashkuara bashkë me presidenten e Kosovës Vjosa Osmani dhe tru heroina të tjera të mbijetuara gjithashtu nga lufta.

Në një status në Facebook ajo e ka quajtur presidentin serb Goebbelsi i Millosheviçit.

“I cili mbanë anën e së keqes (tek e fundit, aty e ka vendin) dhe bënte propagandë kundër Kosovës e shqiptarëve”.

“Në anën tjetër, në anën e drejtësisë të vërtetës e demokracisë, Presidentja e Republikës së Kosovës, Dr. Vjosa Osmani-Sadriu, shpërfaqi të vërtetën e cila si asnjëherë më parë u tha qartë e më zë të lartë se Serbia, ka kryer krime… “merr guximin e kërko falje për krimet që keni bërë””, ka vazhduar Kradniqi Goodman.

Pavarësisht se ajo dhe tri heroinat e tjera ishin ekip këshillëdhënës, Krasniqi-Goodman thotë se fillimisht nuk i është lejuar hyrja në sallë.

“Por me insistimin dhe këmbënguljen e Presidentes një gjë e tillë u lejua dhe NE, e shoqëruam Presidenten në takim. Ky ishte një hap shumë i rëndësishëm drejtë rrugës dhe misionit tonë”, ka shkruar ajo.