Vaki shqiptare, tre shqiptarë e vodhën shefin në fabrikën e kafesë, fituan afro 1 milion euro

Lajme

Gazeta Express

23/04/2026 14:42

Policia shqiptare e ka realizuar operacionin “Inventari”. Tre punëtorë kanë vjedhur 40 mijë kilogramë kafe në subjektin ku e shitën. Në pranga janë vënë dy magazinierë dhe shpërndarësi.

Nga kjo veprimtari kriminale e kryer përgjatë 3 vjetëve, 3 shtetasit dyshohet se kanë përfituar 800 000 euro.

Si rezultat i operacionit:
-u vunë në pranga shtetasit A. K., 35 vjeç dhe V. K., 29 vjeçe, magazinierë në këtë subjekt;
-nisi procedimi në gjendje të lirë për shtetasin L. B., 29 vjeç, shpërndarës.

Nga hetimet dyshohet se këta shtetas, në bashkëpunim me njëri-tjetrin, duke shpërdoruar detyrat, gjatë një periudhe trevjeçare, kanë vjedhur 40 000 kilogramë kafe, nga shitja e së cilës kanë përfituar 800 000 euro.