Ulje e mallrave të transportuara në transportin rrugor të mallrave, rritje në transportin hekurudhor dhe ajror

Maqedoni

Gazeta Express

26/05/2026 15:43

Sasia e mallrave të transportuara në transportin rrugor të mallrave në tremujorin e parë të këtij viti është zvogëluar për 19,4 për qind krahasuar me të njëjtin tremujor të vitit të kaluar, njofton Enti Shtetëror i Statistikës.

Ndryshe nga transporti rrugor i mallrave, në tre muajt e parë të këtij viti krahasuar me të njëjtën periudhë të vitit të kaluar, statistikat evidentojnë rritje të sasisë së mallrave të transportuara në transportin hekurudhor për 14,2 për qind, ndërsa në transportin ajror për 34,1 për qind.

Sipas të dhënave të ESHS-së, në tremujorin e parë të këtij viti, në transportin rrugor të udhëtarëve numri i udhëtarëve të transportuar është 1.043.000, në transportin urban dhe periferik 8.306.000, në atë hekurudhor 24.000, ndërsa në transportin ajror 840.532.