UEFA shkruan për vdekjen e Fatjon Bunjakut

Futboll

Gazeta Express

08/06/2026 17:40

Shtëpia e futbollit evropian, UEFA ka shkruar për vdekjen e të ndjerit Fatjon Bunjakut.

22-vjeçari Bunjaku vdiq në një aksident rrugor, afër Vushtrrisë, shkruan “Gazeta Express”.

Ai ishte pjesë e Elbasanit, teksa në karrierë kishte luajtur edhe për Trepçën, Lirinë, Phoenixin, Gjilanin e Malishevën.

Në një postim në platformën “X”, UEFA shkroi për të ndjerin Bunjaku.

“Shprehim ngushëllimet dhe mbështetjen më të thellë për FFK-në pas ndarjes nga jeta të 22-vjeçarit Fatjon Bunjaku. Mendimet tona janë me familjen e tij, miqtë dhe ish-shokët e ekipit gjatë kësaj kohe të vështirë”, thuhet në postim.

Përveç kësaj, UEFA ka përgatitur edhe një artikull për ish-yllin e kombëtares së Kosovës U21.

“I lindur në Vushtrri, Bunjaku konsiderohej si një sulmues i ri premtues që ka përfaqësuar disa klube gjatë karrierës së tij, përfshirë Elbasanin, Malishevën, Gjilanin, Lirinë dhe Trepçën. I njohur për përkushtimin dhe pasionin e tij për futbollin, ai fitoi respektin e shokëve të ekipit, trajnerëve dhe tifozëve kudo që luajti”, shkruan UEFA.

🤍 We extend our deepest condolences and support to @FFK_KS following the passing of 22-year-old Fatjon Bunjaku.

Our thoughts are with his family, friends and former teammates during this difficult time.

— UEFA (@UEFA) June 8, 2026

Vdekja e Bunjakut tronditi futbollin kosovar, me të ndjerin që ndërroi jetë gjatë ditës së djeshme në Qendrën Klinike Universitare në Prishtinë.

Klube, futbollistë e trajnerë u bën bashkë në shprehjen e ngushëllimeve për shuarjen e yllit kosovar./GazetaExpress/