Një shpërthim me lëndë plasëse në derën e oborrit te banesës së gjyqtarit Tonin Stërkaj ka ndodhur rreth orës 03.00 të mëngjesit në qytetin e Shkodrës.
Mësohet se autori ka qenë me kapele në kokë dhe është afruar pranë portës së hekurt ku ka hedhur lëndën plasëse dhe është larguar sërish në këmbë, duke shfrytëzuar disa rrugica në zonë.
Kamerat e sigurisë kanë filmuar ngjarjen dhe po ashtu janë marrë dhe pamjet e kamerave të tjera në zonë për të parë lëvizjet e autorit.
Nuk dihen ende motivet e ngjarjes, por dyshohet se lidhen me detyrën e Stërkajt dhe ngjarjet që ai ka gjykuar.